गोकुळच्या नूतन संचालकांनी घेतली राष्ट्रवादीचे अध्यक्ष शरद पवार यांची भेट
मुंबई :
कोल्हापूर जिल्हा सहकारी दूध उत्पादक संघाचे चेअरमन विश्वासराव पाटील (आबाजी) व नूतन संचालक मंडळाने ग्रामविकास मंत्री हसन मुश्रीफ व कोल्हापूरचे पालकमंत्री सतेज पाटील यांच्या प्रमुख उपस्थितीत
राष्ट्रवादी कॉंग्रेस पक्षाचे अध्यक्ष खास.शरद पवार यांची मुंबई येथील निवासस्थानी भेट घेतली.
यावेळी दूध संघाच्या विविध विषयावर खासदार शरद पवार व संघाचे चेअरमन विश्वासराव नारायण पाटील (आबाजी), माजी चेअरमन व जेष्ठ संचालक अरुण डोंगळे यांच्यात चर्चा झाली.
यावेळी शरद पवार यांनी नव्या नेतृत्वाखाली गोकुळ आणखी बहरत जावो, गोकुळ अजून मला बहरलेला पहायचा आहे , त्यामुळे दूध उत्पादकांच्या उन्नतीचे नवनवीन पाऊल गोकुळने टाकावे अशी अपेक्षा व्यक्त करताना ज्येष्ठ नेते खासदार शरद पवार यांनी गोकुळच्या वाटचालीचे मनापासून कौतुक केले व संघाच्या उत्कृष्ट कामकाजाबाबत गौरवोद्गार काढले. येथून पुढे संघास मार्गदर्शनाची गरज लागल्यास सर्वोत्परी मदत करु असे आश्वासन दिले.
यावेळी दुग्धविकास मंत्री सुनिल केदार, सहकार मंत्री बाळासाहेब पाटील, सहकार व कृषी राज्यमंत्री डॉ. विश्वजीत पतंगराव कदम, सार्वजनिक बांधकाम मंत्री अशोक चव्हाण यांचीही सदीच्छा भेट घेतली.
यावेळी संचालक बाबासाहेब चौगले, कार्यकारी संचालक डी.व्ही.घाणेकर ,मुंबई शाखेचे शाखाप्रमुख दयानंद पाटील उपस्थित होते.
